Faith at Miles balik-concert via Songs for Hope 

MATABIL
ni John Fontanilla

NAGBABALIK-CONCERT scene ang singer-actress na sina Miles Poblete at tinaguriang Queen of Asia Novela Theme Song na si Faith Cuneta na parehong galing sa Metro Pop Music Festival  via Songs for Hope. Makakasama nila ang si Noel Cabangon.

Ani Faith sa mediacon ng Songs For Hope, “Nagpapasalamat ako kay Cye (Soriano) dahil isinama niya ako sa ‘Songs for Hope’ at nakasama ko ulit si Sir Noel.

“Hopefully sana magsunod-sunod ‘yung mga concert ko, nakaka-miss din ‘yung katulad ng dati, pero may mga singing engagement pa rin naman ako.”

Ayon naman kay Miles, “Thankful din ako kay Cye dahil isinama niya ako sa concert na ito at ang makasama si Sir Noel ay isang malaking karangalan.

“Maybe after this concert, puwede kami gumawa ng show na kasama naman ‘yung mga galing Metro Pop katulad namin ni Faith. ‘Yun ‘yung pag-uusapan namin, sana matuloy.

“And may nagawa rin akong dalawang pelikula na ipalalabas pa lang, ‘yung ‘Mga Munting Tala’ at ‘Ako si Kindness.’ Mayroon pa akong gagawing pelikula, sana magtuloy-tuloy at marapi pang  projects ang dumating,” tsika pa ni Miles.

Bukod kay Noel makakasama rin sina  Patricia Ismael, Cye Soriano, Nadj Zablan, Dindo Caraig, Dindo Fernandez, TNC Band  with front act Meggan Shinew, Justin Herradura, Rafael Mamforte, Samuel Smith.

Ang Songs for Hope ay magaganap sa Sept. 20 sa Music Museum, 7:00 p.m..