HATAW! D'yaryo ng Bayan hatawtabloid.com
I-FLEX
ni Jun Nardo
COM-ROM (Comedy-Romantic) at hindi rom-com (romantic-comedy) ang project na ginagawa ng partner na sina Jerald Napoles at Kim Molina.
Nakilala rin kasing komedyante ang KimJe loveteam at true to life ang kanilang relasyon kaya realistic ang lambingan nila sa movie.
Sa bago nilang movie na Un-Ex You, mula sa Viva Films, sinabi ni Kim na tatlong beses na silang naghiwalay ni Jerald.
Eh dahil mahal nila ang isa’t isa, hindi ubra ang tagline ng movie nila na, “Pag ex na, ex na!” Pero may kasama ang tagline na, “Char… “ na ibig sabihin eh biro lang.
Nangyari ang tagline ng movie sa co-stars nila sa movie na teenstars na sina Kyosi Guinto at Vladia Disuanco na naghiwalay dahil na rin mas priority nila ang career.
Mula sa direksiyon ni RC de los Reyes, ang movie na sa April 9 ang premiere na sa scene drop pa lang eh may 20 million views na dahil katawa-tawa talaga sina Kim at Jerald!
