HATAW! D'yaryo ng Bayan hatawtabloid.com
PUSH NA’YAN
ni Ambet Nabus
DAHIL nga sa hindi pagboto ng mag-iinang Revilla sa Kongreso para sa impeachment ni VP Sara Duterte, inaasahan ding mangunguna si Sen. Bong Revilla na magbibigay ng suporta kay VP Sara pagdating sa Senado.
Tatlo nga lang sina Cong. Lani Mercado at mga anak na sina Representatives Bryan at Jolo Revilla sa iilang Kongresista na hindi pumirma sa isinulong na impeachment case sa VP ng bansa.
Mahaba-haba pang usapin ang magaganap dahil mukhang hindi pa interesado ang senado sa usapin lalo’t by next week ay magsisimula na ang opisyal na kampanya para sa mga tatakbo sa national post.
“Kahit pa na-meet ng Kongreso ang kaukulang bilang ng pirma para maisumite ang impeachment sa senado, kung hindi naman ito ipapasa, wala rin. If ever, baka abutan pa ng mga bagong uupong senador ang kaso,” sey ng mga nakatutok sa usapin.
