HATAW! D'yaryo ng Bayan hatawtabloid.com
TODAS ang 44-anyos delivery rider habang dalawa ang sugatan matapos pagbabarilin ng ‘di kilalang lalaki sa Quezon City nitong Martes ng madaling araw.
Dead on arrival sa Maclang Hospital ang biktimang si Gerardo Ebron Obiso, 44, delivery rider, residente sa Litex Road, Brgy. Commonwealth, sanhi ng tama ng bala ng baril sa dibdib, tiyan, at kanang balikat.
Patuloy na inoobserbahan sa ospital ang dalawa pang biktima na sina Aljon Obiso Abad, 29 at Jericho Panas Ora, 26, parehong kapitbahay ng biktima.
Sa ulat, nangyari ang insidente dakong 1:00 am kahapon, 18 Hunoy, sa Purok 5, Litex Road, Brgy. Commonwealth.
Batay sa imbestigasyon, nagkaroon ng mainitang pagtatalo ang mga biktima at ang suspek pero agad naawat.
Umalis ang suspek pero makalipas ang ilang minuto ay bumalik ito na armado ng baril at walang habas na pinaputukan ang mga biktima saka mabilis na tumakas.
Nasamsam ng SOCO team sa crime scene ang nasa pitong basyo ng kalibre .45 baril at isang metallic jacket.
Inaalam ng pulisya kung may mga CCTV sa lugar na maaaring makatulong sa pagtukoy sa suspek at sa motibo ng pamamaril. (ALMAR DANGUILAN)
