Eat Bulaga sasabayan pasabog ng It’s Showtime sa Abril 6

I-FLEX
ni Jun Nardo

LIPAT-BAHAY na nga ang It’s Showtime sa GMA Network bilang kapalit ng Tahanang Pinasaya. Hindi lang sa GMA channel ito mapapanood kundi pati sa GNTV ng GMA, huh.

Itinaon sa birthday ni Vice Ganda ang initial telecast nito sa April 6. Sa buwan din ng Abril ang 15th anniversary ng noontime show.

Natatandaan namin noon nang nag-alsa-balutan ang Eat Bulaga from Channel 2 patungo sa GMA. May parada ring naganap habang papunta sa GMA ang host ng EB led by Tito, Vic and Joey.

Now, ang It’s Showtime naman ang pumarada patungo sa GMA building na naganap sa isang studio ang contract signing at pag-welcome sa hosts at executives ng ABS-CBN.

Ayon kay Ms Anette Gozon-Valdez, “expect more collaborations from us. We want to showcase ang galing ng Filipino!”

Of course, sa paglipat ng It’s Showtime, handa naman ang TVJ Productions ng Eat Bulaga na sabayan ang pasabog na magaganap sa TV sa April 6!