HATAW! D'yaryo ng Bayan hatawtabloid.com
PUSH NA’YAN
ni Ambet Nabus
SA mga subscriber ng VivaMax, may panibago na namang tayong mae-enjoy na movie na iririlis saDecember 8 din.
Ito ‘yung Haslers na pinagbibidahan nina Denise Esteban, Hershie de Leon, Angelica Cervantes, Quinn Carrillo (na siya ring writer), Marco Gomez, Calvin Reyes among others.
Si direk Jose Abdel Langit, ang matagal ng assistant director ni Joel Lamangan ang direktor nito at ito rin ang kanyang first full-length movie.
Mabusisi rin at metikuloso sa mga eksena si direk Abdel. Hindi raw siya ‘yung tipong direktor na basta na lang paghuhubarin o gagawan ng mga intimate scene ang mga artista niya.
“Laging dapat may sinasabi o nagku-conform ito sa statement ng writer ayon sa interpretation ng direktor at understanding ng mga artista. This is about friendship at mga isyu ng kababaihan. Very interesting and thankful ako sa VivaMax na ibinigay nila ito sa akin,” sey pa ni direk Abdel na nakatrabaho na rin sa ibang projects ang ilang mga bida kaya mas madali ang adjustment ng lahat.
Isa nga sa pinuri ng direktor si Calvin Reyes na tinawag pa niyang ang lalaking Jaclyn Jose.
