HATAW! D'yaryo ng Bayan hatawtabloid.com
I-FLEX
ni Jun Nardo
WALA nang balak idemanda ni Claudine Barretto ang dating sexy star na si Sabrina M sa pahayag nitong siya ang huling nakarelasyon ng yumaong aktor na si Rico Yan.
Ipinarating ni Bianca Lapus ang pahayag na ito ni Claudine nang makausap niya ang former actress bago ang pressccon ng Hiraya Theatear Production noong isang araw sa Music Box.
Sinabi rin sa amin ni Bianca ang pahayag pa ni Claudine at ayon pa sa huli, “Hindi ko kilala si Sabrina M. Nakita ko lang picture niya sa dyaryo nang masangkot siya sa isang eskandalo!”
Anyway, bahagi ng Hiraya si Bianca na nag-i-stage ng plays sa iba’t ibang probinsiya sa pagtataguyod ni direk Chaps Manansala. Nasa 18th year na ang grupo at marami silang handog na plays gaya ng bagong version ng classic na The New Yorker From Tondo na si Bianca ang lead. Kabilang din sa grupo ang dating Eat Bulaga child star na si BJ Forbes at iba iba pang bihasa sa teatro.
Sa tanong namin kay direk Chaps kung may pera na ba sa teatro? Tugon nito, “Dapat, marketer ka! Kung performer ka lang, mahina talaga ang pera.
“Pero ako, nagsikap hanggang sa lumaki kami nang lumaki. Passion ko ito kaya naman, masasabi kong mayaman na ako! Ha! Ha! Ha!” deklara ni direk Chaps.
Bukod sa Hiraya, may You Tube channel si direk Chaps kasama ang katoto naming si Jobert Sucaldito. Ang title nito ay OOTD (Opinyon, Talakayan at Diskusyon) tungkol sa artista, politika at iba pang interesting topics.
Sa tanong namin kay direk kung kinukontrol niya si Jobert na madaldal, “Hindi! Natututo ako sa kanya gaya niyong minsang mag-interview ako. Basta masaya lang kami kaya marami agad kaming naging subscribers sa OOTD na twice a week may upload na episode. Subscribe na!
