HATAW! D'yaryo ng Bayan hatawtabloid.com
I-FLEX
ni Jun Nardo
MAHINA sa pag-memorya ang beauty-queen turned actress na si Herlene Budol. Isa nga ‘yon sa ibinabato sa kanyang tsismis habang ginagawa ang debut TV series niyang Magandang Dilag na mapapanood sa GMA Afternoon Prime sa June 26.
“Opo, hirap po akong magmemorya. Hindi ko naman ipinagkakaila ‘yon,” pahayag ni Herlene sa mediacon ng series.
May paraan naman siyang ginagawa para makabisado niya ang mahahaba niyang linya.
“Isinusulat ko po sa isang papel ‘yon. Kinakabisado ko talaga.
“Pati dayalog ng kaeksena ko, kinakabisado ko.
“Eh dahi sa ginagawa kong pag-memorya, napapanagipan ko na ito,” dagdag pa ng nakilalang Hipon Girl.
Bumilib kay Herlene ang co-star niyang veteran actress na si Chanda Romero kaya naman naisip niyang dedicated ito sa kanyang trabaho.
Maging ang director ng series na si Don Michael Perez ay impressed sa ipinakitang husay ni Herlene at iba niyang co-stars.
Pagbibida naman ng ilang GMA executives, para kay Herlene ang series na kahit comedy ang image noonh una eh nakitaan nila ng potensiyal sa pagiging dramatic actress.
