HATAW! D'yaryo ng Bayan hatawtabloid.com
ALAM MO NA!
ni Nonie Nicasio
TAKAW-PANSIN ang lakas ng dating ng newcomer na si Shaine Vasquez. Bukod kasi sa sexy, maganda ang aktres na isang Viva contract artist.
Hindi naman ito kataka-taka dahil bago sumabak sa mundo ng showbiz, si Shaine ay isang beauty queen. Siya ay naging Miss Global Philippines 2017, Miss Turismo Filipina 2018, at Miss Fashion World International 2019.
Mapapanood siya very soon sa pelikulang Shoot! Shoot! ‘Di Ko Siya Titigilan! sa October 8, 2021, sa Vivamax. Tampok dito sina Andrew E., AJ Raval, Sunshine Guimary, Juliana Parizcova Segovia, Wilbert Ross, at iba pa, sa direksiyon ni Al Tantay.
Ano ang role niya sa pelikulang ito? Aniya, “One of the sexy girls po sa movie.”
Paano siya napasok sa showbiz? “After ko po manalo ng international pageant ay in-interview po ako sa Viva and nag-sign na rin po ako ng contract sa kanila.
“Bale last year po ako nag-start sa showbiz, kaso ay nagka-pandemic… so ngayon pa lang po ako nakagawa ng mga project.”
Ngayong uso ang sexy movies, game ba siyang magpa-sexy sa pelikula?
“Yes po, but not so sexy,” matipid na sagot niya.
Hanggang saan ang limitations niya, kung sakali? “No to nude po, pero kung sexy lang like magsusuot ako ng two piece bikini at magkakaroon ng kissing scene, okay lang po iyon sa akin,” nakangiting wika ni Shaine.
Ano ang masasabi niya kina Direk Al Tantay at Andrew E?
“Si Direk Al po, on the spot po siya kung magbigay ng scene and script and hindi po mahirap ka-work. Si sir Andrew naman po, sobrang bait and cool… nagtuturo rin po siya sa pag-acting sa akin, kumbaga, inalalayan niya po ako sa movie. “Actually, lahat naman ng artists na nakaka-work ko, inaalalayan po ako dahil baguhan pa lang ako.”
Ang iba pang pelikulang nagawa ni Shaine ay ang Pakboy Takusa, Encounter, at ang Deception ni Direk Joel Lamangan. Tampok dito sina Claudine Barretto, Mark Anthony Fernandez, Gerald Santos, Sheree, Chanda Romero, Miggs Cuaderno, at iba pa.
