HATAW! D'yaryo ng Bayan hatawtabloid.com
MAGANDANG example ang Kapuso star na si Gabbi Garcia kung paanong nagagamit ng mabuti ang social media. Nitong mga nakaraang araw, makikitang ginamit niya ang kanyang social media accounts para magbigay ng lakas at makahingi ng tulong para sa mga nasalanta ng bagyong Ulysses.
Dahil na rin sa bagyong Ulysses, na-move ang pilot airing ng kanyang show sa GMA News TV na IRL (In Real Life) para magbigay daan sa balita at updates sa bagyo. Ngayong Huwebes (November 19) na mapapanood ang first episode ng nasabing reality program na ang una niyang guest co-host ay ang kanyang boyfriend at bagong Kapuso na si Khalil Ramos.
Humingi ng pasensiya si Gabbi sa kanyang fans dahil late na rin siyang nakapag-post tungkol sa pagkaka-postpone ng first episode. Say ni Gabbi: “Hi guys. The pilot ep of “IRL” will air on Nov. 19 instead. So sorry I wasn’t able to update you guys yesterday. We had no signal and power. Praying for everyone’s safety. please please take care.”
Naintindihan naman ito ng fans ni Gabbi na karamihan ay nagsabing mas mahalagang safe ang Kapuso star at ang kanyang pamilya.
Rated R
ni Rommel Gonzales
