TIMBOG ang dating manlalaro ng UP Fighting Maroons na si Kevin Rae Astorga, kabilang ang apat katao na nakompiskahan ng tinatayang 150 gramo ng high grade na marijuana o kush, sa buy bust operation ng PDEA-RSET sa BF Homes, Parañaque City. (ALEX MENDOZA)

Ex-UP Maroon, 4 pa timbog sa kush at droga

Almar Danguilan September 23, 2020 News

DINAKIP ng mga ahente ng Philppine Drug Enforcement Agency (PDEA) ang dating manlalaro ng UP Fighting Maroons at apat na iba pa sa isinagawang anti-drug operation sa Parañaque City.

Kinilala ang mga nadakip na sina Kevin Rae Astorga, dating player ng UP Fighting Maroons; Agustin Deulexandre Montejo, Jericho Tumagan, Miguel Carlos Mojares, at Karen Vidanes Salvahan.

Sa ulat, 12:00 am nitong Lunes, 21 Setyembre, nang salakayin ng mga operatiba ng PDEA ang bahay ni Astorga sa JEMP Building, BF Homes, Parañaque City.

Nakuha sa mga suspek ang 150 gramo ng marijuana kush, ilang transparent plastic sachet na hinihinalang naglalaman ng shabu at cocaine, drug parephernalia at dalawang cellphone na gamit sa pakikipagtransaksiyon sa kanilang mga parokyano.

Ilang linggo rin ang isinagawang surveillance operation ng mga awtoridad bago ang pagsalakay. (ALMAR DANGUILAN)