HATAW! D'yaryo ng Bayan hatawtabloid.com
Sa murang gulang ay isa nang professional singer si Queen Rosas na nakapag-perform sa bansang Korea, Japan, China, at Hong Kong. Tumira siya nang matagal sa bansang Amerika at pag-uwi sa Filipinas ay inalok na maging bokalista ng isang banda na maraming venue na tinutugtugan.
Nakasama na rin ni Queen ang ilang mga kilalang singers tulad ni kaka Freddie Aguilar, na pinuri ang husay niya at style sa pagkanta ng mga folk song na forte rin ng beteranong singer. Yes agree kami kay Kaka Freddie dahil ilang beses na naming napanood mag-perform nang live si Queen kaya favorite siya ng crowd at marami ang humahanga sa bawat performance niya.
Bukod sa pagiging singer, ay nasa field of television na rin si Queen na host ng sarili niyang show na “Mundo ng Aking Musika,” na napapanood sa Euro TV tuwing Biyernes mula 2:00 pm hanggang 3:00 pm.
Samantala nang aming maka-chat ang singer-TV host na aming longtime friend, ay natanong namin siya tungkol sa kanyang lovelife? Very happy raw siya at natagpuan na niya ang kanyang si Mr. Right sa katauhan ni Fernando Udtujan na taga-Tacloban at ex raw ng sikat na Kapuso actress na may initials na SC.
Dagdag ni Queen mahusay raw ang kanyang fiancé sa finger push up at sa lakas raw nito ay kayang magbuhat ng isang sasakyan.
Sa katunayan ay kasama na ang pangalan ni Fernando sa mahabang listahan ng mga popular na tao sa Guinness Book of World Records.
Kinilig kami nang sabihin sa amin ni Queen na pag-uwi raw ng bansa ni Fernando ay magpapakasal na sila at gagawa ng pelikula na kanilang pagsasamahan.
Well, good luck to both of you Queen.
VONGGANG CHIKA!
ni Peter Ledesma
