HATAW! D'yaryo ng Bayan hatawtabloid.com
NAGDEKLARA na si Allan K ng ganap na pagkalugi, matapos na manatiling sarado ang kanilang comedy bars na Klowns at Zirkoh, kaya kinausap na rin nila ang kanilang mga empleado. Nangako sila ng kabayaran ng lahat ng kabuuang suweldo, financial assistance at ang katiyakan na kung magbubukas silang muli ay kukunin nila ang mga dating empleado.
Mahigit tatlong buwan nang nagbabayad ng upa sa puwesto, bukod sa suweldo ng mga tao ang negosyo ni Allan K, na wala namang kita dahil sa lockdown.
Bukod kay Allan K, may mga artista pang may mga negosyo rin na nagsabing magdedeklara na rin sila ng bankruptcy, dahil talagang bagsak na. Paano na kaya ang ating ekonomiya?
HATAWAN
ni Ed de Leon
