HATAW! D'yaryo ng Bayan hatawtabloid.com
Kung majority ng napapanood natin sa Youtube ay samot-saring problema sa buhay dala ng kahirapan
at pandemya, sa Facebook account ni JC Garcia ay positivity ang hatid nito lagi sa lahat ng kanyang followers.
Yes si JC, ang larawan ng isang artist na ayaw ng stress sa buhay at ang gusto niya ay masaya lang. At sa pamamagitan ng ipino-post niyang video sa pagkanta sa number one online Karaoke na Smule at sa Tik Tok ay napapasaya talaga ni JC ang mga supporters kaya madalas ay marami ang nagla-like at nagko-comment sa kanyang posted videos.
Ang maganda pa sa nasabing Pinoy recording artist, dancer at choreographer, maging friends niya sa San Francisco o saan mang parte ng Amerika ay isinasama niya sa paghataw niya sa Tik Tok. May aliw factor rin ang drama act ng singer na nasasabayan talaga niya ang boses. Naku, kung may award lang sa Tik Tok na best performer ay tiyak panalo na si JC na patok sa kanyang Senorita dance video.
Miss na pala ng Pinoy singer ang mag-perform sa sarili niyang concert, na always SRO ang audience. Inaantay na rin niya ang pagsisimula ng internet radio show na pagsasamahan nila ni Sansu Ramsey (daughter ni
Elizabeth Ramsey) sa Fil-Am Star na “Star Talk, News Music Play” ang titulo. Magkakaroon din ng solo show si JC, sa said internet network.
VONGGANG CHIKA!
ni Peter Ledesma
