HATAW! D'yaryo ng Bayan hatawtabloid.com
BINAWIAN ng buhay ang isang tatlong-gulang na batang lalaki nang masagasaan ng dump truck na may lamang graba at buhangin sa kahabaan ng Provincial Road sa Barangay Rizal, lungsod ng Cauayan, lalawigan ng Isabela, noong Sabado, 13 Hunyo.
Ayon sa Cauayan police, binabagtas ng drump truck na minamaneho ng driver na kinilalang si Michael Mangaoang, ang pabulusok na daan patungong Poblacion Cauayan nang masagasaan ang paslit na kinilalang si Wilfredo Aglugob, 3 anyos, residente sa P3 Rizal, sa naturang lungsod.
Salaysay ni Mangaoang sa mga imbestiagdor, sinubukan niyang iwasan ang biktima na tumatawid mag-isa sa kalsada ngunit nabunggo niya pa rin ang paslit.
Walang malay umano ang pamilya ng biktima sa insidente dahil inakala nilang naglalaro ang bata ng mga oras na iyon.
Dinala ang suspek at ang kaniyang minamanehong dump truck sa Cauayan City police station para sa nararapat na disposisyon.
