HATAW! D'yaryo ng Bayan hatawtabloid.com
Likas na mabait sa mga newcomer sa showbiz, kaya patuloy na bine-bless ng Itaas ang kaibigan naming filmmaker and record producer na si Direk Reyno Oposa.
Katunayan ang kanyang hit project na Inspirado na kinanta ni Ibayo Rap Smith kasama ang kilalang social media influencer-dancer na si Leng Altura. Ngayon ay halos 150K views na ang music video sa official YouTube Channel ni Direk Reyno.
At bago pa i-release ang follow-up ng Inspirado na Kung Bagay, nina Whamos, Maui, Ibayo Rap Smith and ft by DK One ay nagdesisyon na muna si Direk Reyno na unahing ilabas ang napapanahon niyang proyekto na Quaran-Timer of Ibayo and ft by Kiel and featuring Andrea, Whamos, and Maui.
At kaabang-abang ang music video nito na nakatakdang i-launch sa YouTube channel ni Direk Reyno on May 29, 2020 under his owned Ros Film Production.
Sa posted picture ng nasabing filmmaker (Oposa) ay makikita na nagtatawagan sa isa’t isa ang mga artist ng Quaran-Timer, tumutupad kasi sila sa physical o social distancing.
Puwede namang mag-usap sa telepono para magkumustahan o kaya sa ZOOM para makapagkuwentohan sa social media.
Vibes namin, dahil napapanahon nga ang Quaran-Timer bunsod ng ilang buwan na tayong naka-quarantine dahil sa COVID-19 pandemic, ay magiging another potential hit ito.
VONGGANG CHIKA!
ni Peter Ledesma
