Kim Chiu, inspirasyon sa ‘classroom law’ Bawal Lumabas music video patok (Bashers and trolls supalpal)

HINDI nagtagumpay ang bashers at trolls na pabagsakin ang career ni Kim Chiu, instead ay ginawa

pang inspirasyon ni Kim ang mga detractor at gumawa ng kanta mula sa viral statement niya sa “Laban Kapamilya” online live discussion na may law o batas

rin sa classroom.

In fairness sa loob lang ng limang oras nang i-release ang latest single ni Kim na Bawal Lumabas (classroom song) under Star Music na composed ng famous producer-composer na si Jonathan Manalo ay humamig agad sa YouTube ng 288,365 views na umani ng 36K Likes, 4.2K shares, at 3,554 comments.

Napakinggan namin ang lyrics ng bagong kanta ni Kim, at puwede itong magbigay ng inspirasyon sa lahat dahil puno ng pagmamahal sa kapwa ang liriko nito.

Sa ganda ng feedback para sa Bawal Lumabas, ay napatunayan na mas matalino at may utak si Kim compared sa kanyang bashers.

At bongga si Kim dahil mas nagiging productive at matured siya. Samantala dahil sa viral nga ang Bawal Lumabas ay hit din ang dance challenge nito sa YT.

VONGGANG CHIKA!
ni Peter Ledesma