Reunion movie ni Nora kay Ipe, pilahan sana ng mga noranian

KUNG hindi kami nagkakamali, masasabing reunion movie nina Nora Aunor at Phillip Salvador ang MMFF sanang entry nila na Isa Pang Bahaghari.

Ikalawang offering ng Heaven’s Best Productions, tampok rin dito si Michael de Mesa na sumisimbolo ng “bahaghari” (na associated with the LGBTQ+ community).

Sa mga nakakaalala pa, dekada 80 nang magsama sina Ate Guy at Kuya Ipe sa pelikulang Bona na isa ring kalahok sa taunang festival. Idinirehe ‘yon ni Lino Brocka (SLN).

Hindi sequel ng Bona ang Isa Pang Bahaghari dahil magkaibang-magkaiba ang kuwento ng huli tungkol (batay na rin sa napanood naming trailer on Facebook) naunsyaming relasyon ng mga karakter na ginagampanan nina Nora at Phillip sa matagal nang panahong hindi nagkikita (pero nagbunga ang kanilag pag-iibigan).

Ang presensiya naman ni Michael de Mesa complete the friendship sa kanilang tatlo noong kabataan pa nila. At mukhang nagkaroon ng “something” kina Phillip at Michael.

As usual, tame at tempered ang acting ni Ate Guy sa nasabing pelikula. Lumpo man siya, pero bumabanat ng mga dayalogong muli na namang ikakapalakpak ng kanyang mga tagahanga.

Tiyak na shoo-in na naman si Ate Guy sa mga nominado bilang Best Actress.

Sana lang ay pilahan ‘yon ng mga Noranian na nakikipagpatayan nga para sa kanilang idolo, pero tinatamad namang manood ng mga pelikula niya.

HOT, AW!
ni Ronnie Carrasco III