Guesting ni Migz Coloma kay Madam Chika sa V81 Radio humakot ng positive feedbacks (Fast rising male artist nag-shoot na ng music video)

Mukhang mapapahiya ang dalawang detractor ng fast rising male artist na si Migz Coloma dahil sa sunod-sunod ang kanyang TV and radio guestings.

Last October 11, si Migz ang featured guest ni Madam Chika sa kanyang malaganap na internet show na “GSpot” sa V81 Radio, live na napapakinggan at napapanood sa buong mundo via Facebook.

Napanood namin ang nasabing guesting ni Migz at ang husay na niyang sumagot sa mga hirit na tanong sa kanya ni Madam Chika na very funny and jolly sa ere. Ikinuwento ng newest recording artist (Migz) ang naging buhay niya sa 8 years na paninirahan sa United Kingdom kasama ang kanyang pamilya.

Wala raw siyang British accent kasi talagang ipinagmamalaki niyang Pinoy siya. Pero pinagbigyan pa rin niya ang host ng show na mag-british accent na naitawid naman ng singer. Nagustuhan pala ni Madam Chika ang song ni Migz na “Kayo Na Naman Bang Dalawa?” na kinanta niya nang live at uso raw ang tunog at maraming makare-relate na millennials.

Marami ang nanood ng nasabing guesting ni Migz na kamakailan lang ay nagpasaya’t nag-serenade ng mga lola at lolo sa Grandparents Day sa Riverbanks Center Mall sa Marikina, kung saan naging proud sa kanya ang kanyang grandmother na si Lola Emma.

Last Saturday ay nag-shoot si Migz ng Music Video ng “Kayo Na Naman Bang Dalawa” na kinunan sa Flight Bar na idinirek ni Martin at kapwa modelo ang ka-partner dito ng baguhang singer-dancer.

VONGGANG CHIKA!
ni Peter Ledesma