HATAW! D'yaryo ng Bayan hatawtabloid.com
MULI na namang tumanggap ng parangal ang award-winning film producer na si Baby Go. Binigyan ng award recently si Ms. Baby sa Philippine Elite Awards 2019, kasama niya ritong pinarangalan din si Doc Ramon Arnold Ramos na bukod sa dedicated at makataong manggagamot ay kilala rin sa kanyang charitable works at medical missions na tulad ni Ms. Baby.
Nagpahayag ng kagalakan si Ms. Baby sa award niyang Most Outstanding International Film Producer of the Year. “I’m very happy because napili rin na isa sa awardee ng Elite ang PC Good Heart Foundation and BG Productions International. Plus, ang San Diego, USA Lions Club International ay napili rin nila ako as one of the awardee. Mayroon din sa The Fire Awards, kaya thankful ako kay Lord na laging ibinibigay sa akin ang mga ganito,” masayang saad niya.
Ikinatuwa rin ni Ms. Baby ang pagkakasali sa dalawang international filmfest ng pelikula nilang Latay ni Direk Ralston Jover na pinagbibidahan nina Allen Dizon at Lovi Poe.
“Of course very happy dahil laging nakasasali sa International filmfest ang BG Productions. Sa international lang ang tanging pag-asa ko. Malaking opportunity ito sa aming company, kaya pray lang ako lagi.”
Samantala, tutukan si Ms. Baby sa weekly program nila sa DZAR every Saturday, 5-7 pm, kasama sina Maridol Bismark, Anne Venancio, at Benny Andaya.
ALAM MO NA!
ni Nonie Nicasio
