Akyat-bahay swak sa hoyo

KULONG ang isang  miyembro ng akyat bahay gang nang maaresto ng mga pulis matapos pasukin at pagnakawan ang bahay ng isang kalugar sa Caloocan City, kahapon ng madaling araw.

Kinilala ni Caloocan police chief P/Col. Noel Flores ang suspek na si Gerald Bartolome, 18 anyos, welder, residente sa Malaya St.m Pangarap Village, Brgy. 181.

Ayon kay Caloocan deputy chief for administration P/Lt. Col. Ferdie Del Rosario, unang pinasok ng suspek ang bahay ni Lorna Mercolesa, 43, at Sheryl Ramilo, 26, kapwa sa Malaya St., Brgy. 181, Pangarap Village sa pamamagitan ng pagdaan sa bintana na sapilitang sinira.

Nang nasa loob na ang suspek, kinuha nito ang dalawang cellphone na pagmamay-ari ni Lorna na nagkakahalaga  ng P4,900 at portable DVD, silver necklace na aabot sa P6,950 ang halaga at P1,800 cash na pagmamay-ari ni Sheryl. (ROMMEL SALES)