HATAW! D'yaryo ng Bayan hatawtabloid.com
KUNG si Mayor Francisco “Isko Moreno” Domagoso ay naging ehemplo sa paglilinis ng buong Maynila at pagtatanggal ng mga obstruction sa kalye, si Parañaque Mayor Edwin Olivarez ay puwedeng pamarisan sa kanyang malasakit at pagpapanatili ng dignidad ng pulisya sa kanilang lungsod.
Bakit natin nasabi ito?
Aba, sa bagong proyekto ni Mayor Edwin Olivarez ay pinatayuan niya ng two-storey o three-storey building ang mga Police Community Precinct (PCP) sa lungsod.
Ibig sabihin, ayaw ni Mayor na magmukhang iskuwater ang mga lespu ng Parañaque.
Kabilang diyan ang PCP 3 sa Barangay Sto. Niño, PCP 5 sa Barangay BF, at PCP 6 sa Barangay Don Bosco.
Sa kasalukuyan ay on-going ang construction ng PCP 5 at PCP 6 at mismong Parañaque City Police headquarters.
Alam ba ninyong, perennial problem ng Philippine National Police (PNP) na marami silang headquarters at police stations na hindi sa kanila ang kinatatayuan kaya kapag kailangan na ng may-ari ay para silang iskuwater na gigibain ang estasyon at maghahanap kung saan sila lulugar.
Maraming beses na nangyari ito sa Maynila at sa iba pang lugar sa Metro Manila.
Pero sa Parañaque City, ayaw ‘yan mangyari ni Mayor Olivarez kaya sa kanyang inisyatiba ay ipinagpatayo niya ng gusali ang pulisya.
Aba, napakasuwerte naman ni ni P/Col. Rogelio Rosales at mayroong alkalde na gaya ni Mayor Olivarez.
Sana’y gayahin din ng ibang mayor ‘yan.
Mabuhay ka Mayor Edwin Olivarez!
LIFESTYLE CHECK
SA BUREAU
OF CORRECTIONS
OFFICIALS
MAINIT na namang pinag-uusapan itong si Bureau of Corrections (BuCor) chief, Director General Nicanor Faeldon.
Sa ganang atin, mukhang may nakakabit na malas kay BuCor chief Faeldon dahil sa kanya na naman pumutok ang isyung ito.
Hindi ba’t ganyan din ang nangyari sa kanya sa Bureau of Customs (BoC).
Pero kung tutuusin, matagal nang isyu ‘yan sa loob ng National Bilibid Prison (NBP).
Hindi lang ang pagpapalabas ng mga convicted sa heinous crimes sa pamamagitan ng GCTA diyan sa Bilibid kundi maging ‘yung pagpapalipat mula sa mga kulungan na nasa probinsiya patungong Bilibid.
Malakas na pumuputok noon pa na milyones ang budget para sa pagpapalipat ng mga convicted na akusado.
Paano mabubuyangyang ‘yan sa publiko?!
‘E ‘di lifestyle check.
Subukan po ninyong i-lifestyle check ang mga opisyal sa BuCor at mga warden sa iba’t ibang kulungan sa ilalim ng BuCor at tiyak diyan sasabog ang “Lihim ng Guadalupe.”
Hindi natin alam kung saan patutungo ang imbestigasyon sa Senado, baka ang target lang niyan ay si Faeldon.
Kapag wala na si Faeldon, payapa na naman ang lahat at back to old habits and transactions.
Arayku!
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap
