HATAW! D'yaryo ng Bayan hatawtabloid.com
Galing mismo sa bibig ng kilalang showbiz photographer na si Wilson Fernandez, kamukha umano ng alaga naming singer-model na si Jessa Laurel si Isabel Daza.
Malaki raw ang resemblance nina Jessa at Isabel at napansin ito ni Wilson habang kinukunan ng iba-ibang shots ang aming talent sa photo shoot nito sa Wildlife sa Quezon City.
Nang sabihin namin ito kay Jessa ay flattered ang dalaga ni Mommy Juvy. Siyempre nga naman masarap sa pakiramdam na maikompara ka sa daughter ng dating Miss Universe na si Gloria Diaz na isang mahusay na Kapamilya aktres.
Samantala sa latest interview namin kay Jessa, malaki ang pasasalamat niya at madalas siyang magkaroon ng exposure sa mga tabloid at excited na siya sa gagawing project ngayong June na nakatakda siyang mag-guest sa Birthday concert ng DZMM Anchor and talent manager na si Jobert Sucaldito.
At ang maganda sa baguhang singer, wala siyang expectation para sa kanyang career basta kung ano raw ‘yung dumating na opportunity lalo na kung maganda ay iga-grab niya lahat ito.
Saka malaki ang faith ni Jessa kay God, alam niya na with her talent at suporta ng kanyang Mommy Juvy at Daddy at ng inyong columnist ay may kapupuntahan ang kanyang career in the future.
Why not?
VONGGANG CHIKA!
ni Peter Ledesma
