Presyo ng langis muling sumirit (Ika-7 ngayong 2019)

SASAKIT muli ang ulo ng mga motorista dahil nagpatupad ng big time oil price hike sa mga produktong petrolyo ang mga kompanya ng langis ngayong araw, 26 Pebrero.

Pinangunahan ng kompanyang Total Philippines, Pilipinas Shell, PTT Philippines, Petro Gazz, Sea Oil at Caltex (Chevron) ang dagdag presyo na P1.45 kada litro ng gasolina, maging sa diesel ay P1.45 din kada litro, habang sa kerosene ay nasa P1.35 kada litro na epektibo ngayong 6:00 am.

Inaasahang magsu­sunuran na magpatupad ng pagtaas ng presyo ng kanilang produktong petrolyo ang ilan pang malalaking kompanya ng langis sa bansa gayondin ang maliliit na kompanya sa kahalintulad na hala­ga.

Ang ipinatupad na dagdag presyo sa mga produktong petrolyo ay bunsod sa patuloy na paggalaw ng presyohan nito sa pandaigdigang pamilihan.

Sa tala ng Department of Energy (DOE), ang panibagong pagtaas sa mga produktong petrolyo ay ika-pitong beses simula ngayong 2019.

ni JAJA GARCIA