Live-in partners timbog sa droga

ARESTADO ang isang construction worker at kanyang live-in partner nang maaktohan ng mga pulis na abala sa pagbusisi ng sachet ng shabu sa loob ng sementeryo sa Malabon City, kamakalawa ng gabi.

Kinilala ni C/Insp. Romulo Mabborang ang mga naa­res­tong suspek na sina Richard Molino, 34, at si Lilibeth Beltran, 41, ng P. Con­cepcion St., Brgy. Tugatog.

Batay sa ulat ni PO3 Jun Belbes, dakong 2:00 ng hapon, nagsasagawa ng anti-criminality operation ang mga tauhan ng Police Community Precinct (PCP) 4  sa loob ng Tugatog Public Cemetery nang makita ang mga suspek na nakaupo sa taas ng nitso habang abala sa pagbusisi ng plastic sachets.

Agad nilapitan ng mga pulis ang mga suspek saka inaresto at nakompiska sa kanila ang dalawang plastic sachet na naglalaman ng hindi pa matukoy na halaga ng hinihinalang shabu.

Dinala ang mga suspek sa Station Drug Enforcement Unit para sa pagsasampa ng mga kaukulang kaso.

(ROMMEL SALES)