Lasing na seaman nagwala… Mag-ama, kritikal, bebot na kaanak, sabog ang mukha

KAPWA kritikal ang kalagayan ng isang mag-ama sa pagamutan, ha­bang sabog ang mukha ng isa pang kaaanak  maka­raang pagsaksakin at gulpihin ng isang  lasing na seaman na nagwala sa Navotas City, kamaka­lawa ng gabi.

Kinilala ang mga biktimang patuloy na ginagamot sa  Tondo Medical Center (TMC) na sina Salvador Rubinas, 61-anyos at anak nitong si Adrian, 30, kapwa residente sa Brgy. North Bay Boulevard South (NBBS) sanhi nang mga tama ng saksak sa iba’t ibang bagahi ng katawan.

Wasak din ang muk­ha at sabog ang ilong san­hi ng mga suntok ng isa nilang kaanak na umawat na kinilalang si Jennifer Rubinas, 35-anyos.

Arestado ang suspek na kinilalang si  Romelito Vicencio, Jr., ng Tumana, NBBS, nahaharap sa mga kasong  frustrated double murder at physical inju­ries.

Bago ang insidente, nasa loob ng basketball court sa Block 3343, Tumana ang mga biktima dakong 7:30 ng gabi nang biglang dumating ang suspek na agad pinag­sasaksak ang mag-ama habang pilit na umaawat si Jennifer hanggang siya rin ay saksakin ng seaman at wasakin ang mukha.

(ROMMEL SALES)