HATAW! D'yaryo ng Bayan hatawtabloid.com
READ: Sabwatang goons at pulisya, pekeng akusasyon ginamit kontra NutriAsia workers — CTUHR
SINISI ni Labor Secretary Silvestre Bello III ang militanteng grupong Kadamay sa naganap na madugong dispersal sa piketlayn ng mga manggagawa ng NutriAsia Inc.
“Mayroon nang ongoing conciliation. Nagkagulo dahil pumasok ‘yung Kadamay. Hindi naman workers ‘yun. Hindi NutriAsia ‘yun. Kadamay ang pumasok diyan,” ayon kay Bello sa panayam sa Palasyo kahapon.
Matatandaan, 19 katao ang inaresto at 30 ang nasugatan sa magkabilang panig nang sumiklab ang karahasan sa piketlayn ng mga obrero noong Lunes.
Ang pahayag ni Bello ay taliwas sa pahayag ng Kilusang Mayo Uno (KMU) na naging madugo ang welga ng mga obrero nang marahas na pasukin ng 100 security guards at 30 pulis ang piketlayn matapos idaos ang ecumenical prayer bilang suporta sa mga manggagawa. (ROSE NOVENARIO)
