Sulat ni Quimbo tinanggap ni SGMA

READ: Andaya, bagong majority leader: Suarez nanatiling Minority leader

NAUNA rito, tinanggap ng opisina ni House Speaker Gloria Macapa­gal Arroyo ang liham ni Marikina Rep. Miro Quim­bo tungkol sa kabu­uan ng minorya sa Kama­ra.

Umabot sa 22 ang nakalista bilang miyem­bro ng minorya.

Ilan sa mga kasama sa listahan ay sina representatives Francis Abaya ng Cavite; Kaka Bag-ao ng Dinagat; Teddy Brawner Baguilat ng Ifugao; Jorge Bolet Banal ng Quezon City; Kit Belmonte ng Quezon City; Christopher de Venecia ng Pangasinan (anak ni dating speaker Jose De Venecia); Edcel Lagman ng Albay; Antonio Tinio ng ACT Teachers party-list; si Isagani Zarate ng Bayan Muna;  Tom Vil­larin ng Akbayan; at Jose­phine Sato ng Occidental Mindoro.

Pito sa 22 miyembro ay nag-apply para maka­sama sa minorya.

Ayon kay Quimbo na itinalaga ng grupo bilang minority leader, ang pito ay tinanggap bilang miyembro sangayon sa Rule 2 Section 8 ng Rules of the House.

Wala pang sagot si Arroyo kay Quimbo.

Ngunit may hinala ang ilan sa mga kongre­sista na mabibigo ang grupo nina Quimbo sa grupo ni Quezon Rep. Danilo Suarez na ayaw umalis sa puwesto niya sa minorya.

Kinuwestiyon nina Quimbo ang pakay ni Suarez na manatili sa minorya sa kabila ng pag­suporta at pagkam­panya para kay Arroyo.

Ayon kay Lagman, umalis nang kusa si Sua­rez sa puwesto niya no­ong sumuporta siya sa pagtatalaga kay Arroyo bilang House Speaker.

Ang lahat ng sumu­porta o bumoto sa Speak­er, aniya ay magi­ging par­­te ng mayorya alin­sunod sa House Rules.

ni Gerry Baldo