Duterte admin suportado ng SoKor

SEOUL – APAT na bila­te­ral agreements ang nilagdaan sa harap nina Pangulong Rodrigo Dut­er­te at South Korean President Moon Jae-in sa Blue House kahapon.

Kabilang sa mga kasunduan ang memo­randum of understanding on transportation coope­ration, memoran­dum of understanding on scien­tific and technologic­al ­cooperation, memoran­dum of understanding on trade and economic coo­peration at loan agre­ement para sa bagong Cebu International Con­tai­ner Port project.

Naglaan ang SoKor government ng P1-B para sa Economic Cooperation Fund para ipantustos sa mga programang pang-impraestruktura ng administrasyong Duterte sa ilalim ng Official Development Assistance (ODA).

Inaasahang lalong magiging matatag ang relasyong Ph-SoKor sa paglagda sa mga naturang kasunduan lalo na’t ipagdiriwang sa susunod na taon ang ika-70 aniber­saryo ng diploma­tikong relasyon ng dala­wang bansa.

Matatandaan, nang sumiklab ang digmaan sa Korea noong 1950, ang Filipinas ang kauna-unahang bansa sa Asya na nagpadala ng mga tropa sa ilalim ng United Nations command upang tulungan ang South Korea na ipagtanggol ang kanilang kalayaan.

(ROSE NOVENARIO)