HATAW! D'yaryo ng Bayan hatawtabloid.com
LIGTAS na nailuwal ni Jolina Magdangal ang ikalawa nilang anak ni Marc Escueta via caesarian sa Asian Hospital and Medical Center kahapon ng umaga.
Isang malusog na baby girl ang iniluwal ni Jolina na pinangalanan nilang Vika Anaya Escueta.
Bago ang schedule ng panganganak ng aktres/singer kahapon, nag-post pa ito sa kanyang Instagram account na nagpapasalamat na tinabihan siya ng kanyang panganay na si Pele sa hospital bed.
Aniya, mas napanatag ang kanyang kalooban sa pagtabi ng kanyang anak.
Tiniyak din ni Jolens kay Pele na lagi pa rin niya itong yayakapin at nangakong paliliguan, lalaruin, at kukuwentuhan pa rin.
Narito ang kabuuang caption ng picture nila ni Pele, “To my dear Pele, Thank you tinabihan mo parin ako matulog kagabi. Mas napanatag ang loob ko. Pangako ko sayo na hindi ito ang huling akap na tayong dalawa lang. Yayakapin kita habangbuhay hanggat gusto mo pa yakapin si Mama. Kung pagkatapos manganak ni mama, wag ka magtaka kung bakit hindi muna kita makakatabi, sisiguraduhin ko na palagi ka makiss at maparamdam na namiss kita. Pagkatapos ko manganak, kakayanin ko makarecover agad para matulungan parin kita maligo, makalaro ka, makakwentuhan ka, at maenjoy natin ang bago mong kalaro na si Vika.
“Mahal na mahal kita anak. Alis lang si mama sandali, pagbalik ko apat na tayo.e&þ”
SHOWBIZ KONEK
ni Maricris Valdez Nicasio
