Jenine, nag-promote ng So Connected ni Janella (kahit sinasabing may away)

KAHIT hindi pa rin magkabati ang mag-inang Jenine Desiderio at Janella Salvador ay suportado pa rin ng ina ang anak sa pelikulang So Connected na nagbukas kahapon sa maraming sinehan nationwide.

Nag-post si Jenine sa kanyang IG account ng poster ng So Connected na nakahiga sina Jameson Blake at Janella kasama, kasama si Panti-Panti na may caption na, “j9desire- So Connected now showing starring my daughter, Janella Salvador, and Jameson Blake. Friends, kindly watch & show your support! Thank you!”

Ilang buwan o umabot na rin yata ng isang taon na hindi okay ang relasyon ng mag-ina pero may kasabihan nga na ‘hindi matitiis ng ina ang anak.’ At sa pagkakaalam din namin ay nagre-reach out din si Janella sa mommy niya. Kaya ikinataka namin ang sinabi ni Jenine na hindi siya binati ng anak noong Mother’s Day.

FACT SHEET
ni Reggee Bonoan