HATAW! D'yaryo ng Bayan hatawtabloid.com
SUNOD-SUNOD ang mediacon ni Film Development Council of the Philippines (FDCP) head, Ms. Liza Dino nitong mga nakaraang araw para ianunsiyo ang mga proyekto ng departamentong pinamamahalaan niya tulad ng Pista ng Pelikulang Pilipino at Famas.
Nitong Lunes ay muli siyang humarap sa media para naman sa SineSaysay Documentary Competition na posibleng mapanood at ilaban sa film festivals sa labas ng bansa.
Ayon sa hepe ng FDCP, may dalawang kategorya ang SineSaysay, Ang Bagong Sibol Documentary Lab at Ang Feature Documentary Showcase na nakipag-partner siya sa National Historical Commission of the Philippines para sa concept ng mga pelikula na focus sa unvisited moments at events sa Philippine History.
“This first year of SineSaysay is an important step for us to expand the empowerment and appreciation of other types of film making. Documentary films have form part of our collective consciousness, highlighting very relevant social issues and even inspiring real change, and it is high time that we actively support the production of more of these types of films.
“Masaya ako sa aking ginagawa kaya tinitingnan ko lahat para suportahan ang ating mga kasamahan sa industriya ng pelikula. Kahit walang tulog, sige lang. Sisiguraduhin ko na habang ako ay nandiyan, gagawin ko ang lahat ng aking makakaya para sa industriya ng pelikula,” pahayag ni Ms. Liza.
Ang finalists sa Bagong Sibol category ay bibigyan ng P100,000 bilang seed money para makabuo ng 10-20 minutes version ng project. Ang shortlisted projects ay sasailalim sa lab program at ang dalawang mapipili ay bibigyan ng Bagong Sibol Production Fund (BSPF) ng halagang P700,000 para mag-produce ng feature versions.
Ang shortlisted finalists para sa Bagong Sibol ay ang mga sumusunod: Ang Huling Kaharian—Bryan Kristoffer Brazil; Mga Bayaning Aeta –Donnie Sacueza; El Caudillo—Khalil Joseph Banares; Patay Na Riles—John Christian Samoy; A Memory of Empire—Jean Claire Dy;
Dr. Jose N. Rodriguez—A Filipino Leprologists Journey – Micaela Fransesca Rodriguez; Noong, Sa Aming Pagkabata—Darlene Joanna Young; Kachangyan Wedding Redux—Lester Valle at Carla Ocampo.
Sa Feature Documentary Showcase ay apat na filmmakers ang makatatanggap ng tig-P1-M bilang co-production grant para mag-produce ng creative documentary films para sa mga sumusunod. Untitled Project—Cha Escala; Daang Patungong Tawaya—Kevin Piamonte; Looter—Jayson Bernard Santos; Heneral Asyong—Victor Acedillo.
Ang mga pelikulang kasama sa SineSaysay ay mapapanood sa premiere screenings ng Pista ng Pelikulang Pilipino sa susunod na taon, 2019.
FACT SHEET
ni Reggee Bonoan
