HATAW! D'yaryo ng Bayan hatawtabloid.com
PATAY noon din ang isang babaeng hinihinalang sangkot sa ilegal na droga at dati nang sumuko sa pulisya sa ipinatupad na Oplan Tokhang, makaraang barilin sa ulo ng hindi kilalang suspek sa Brgy. Batasan Hills, Quezon City, kahapon ng umaga.
Sa ulat kay Quezon City Police District (QCPD) director, Chief Supt. Guillermo Lorenzo Eleazar, dakong 9:00 am, nang barilin si Jenicar Gonzales, 30, re-sidente sa Brgy. Batasan Hills, sa Kalayaan B, ng nabanggit na barangay.
Napag-alaman, naglalakad pauwi si Gonzales mula sa pa-mamalengke nang lapitan ng suspek at barilin ng dalawang beses sa ulo at pagkaraan ay mabilis na tumakas.
Narekober sa pinangyarihan ng insidente ang dalawang basyo ng bala mula sa hindi pa mabatid na kalibre. Inaalam ng pulisya ang motibo sa krimen.
(ALMAR DANGUILAN)
