HATAW! D'yaryo ng Bayan hatawtabloid.com
ISINIWALAT ni Pangulong Rodrigo Duterte na isa ang Antiporda drug group sa hawak niyang makapal na narco-list na beripikado ng intelligence community.
“You know, I said, I have to declare war. If I do not do it, we will to go to the dogs. How do you…Pulis man kayo, okay. Region II elected official: Licerio Antiporada. Barangay captain si-guro itong… Big-time pusher, member: Antiporda drug group,” ani Duterte sa kanyang talumpati sa mass-oath-taking ng bagong PNP generals sa Palasyo kahapon.
Sinabi ng Pangulo, nanawagan siya sa mahigit 80 gobernador sa buong bansa kahapon na makipagtulungan sa drug war ng kanyang administrasyon.
Tulad ng kanyang pulong sa mahigit 1,400 mayors noong nakalipas na linggo ay ini-lockdown din ang mga gobernador, ipinaiwan ang kanilang mga cellular phone sa pag-iingat ng Presidential Security Group (PSG) sa Palasyo bago pumasok Heroes Hall.
Batay sa ulat noong 2012, si Antiporda, dating mayor ng Buguey, Cagayan, ay convicted sa kasong triple homicide na nilitis sa loob ng 12 taon at nang makarating sa Court of Appeals ay nag-inhibit ang 17 justices.
Ikinuwento rin ni Duterte na si retired police general at ngayo’y Daanbantayan, Cebu Mayor Vicente Loot ay tinabla niya nang humirit kay PNP chief, Director Ge-neral Ronald “Bato” dela Rosa.
Anang Pangulo, minura niya si Loot nang makita sa pulong ng mga alkalde at sinabi niyang guilty sa kasong treason o pagtataksil sa bayan.
“And I had the occasion, I said I talked to the mayors. Nakita ko si Loot. Hindi ako nakapagpigil. Minura ko siya. Sabi ko, you are guilty of treason. You’re once a police officer. Inasahan ka ng gobyerno, ginastusan ka ng gobyerno tapos gano’n ginawa mo sa bayan. So nagalit ako. Nandiyan siya. He wanted to — nag-usap sila ni Bato. Unforgiveable ‘yung ganoon e. Hindi ko maisip… I cannot reconcile how you can be so corrupt na ang kalaban mo ang mismong tao,” anang Pangulo.
ni ROSE NOVENARIO
