Kim, Xian, Jona, Matteo, Ronnie at Angeline, nagsipaghataw sa concert scene

WALANG dudang hataw ang outgoing 2016 ng mga bituin ng Star Magic ng ABS-CBN pagdating sa concert scene.

Ilan lang sa kanila’y si Kim Chiu na nagdiwang ng ika-10 anibersaryo sa showbiz via Chinita Princess: The FUNtasy Concert sa Kia Theatre noong Abril.

Two months later, ang kalabtim naman niyang si Xian Lim had his solo show sa nasabi ring venue titled A Date With Xian in July.

As though ang Kia Theatre ang pinaka-in demand among all concert venues ay doon din sinalubong ang bagong lipat na si Jona sa ABS-CBN last November na kasama niyang nagtanghal sina Regine Velasquez-Alcasid at Jed Madela in a show titled Queen of the Night: Jona.

Sa labas naman ng Maynila ay nag-perform din before his provincemates si Matteo Guidicelli sa Cebu marking his 10th year in showbiz.

Headliner naman si Hashtags member na si Ronnie Alonte sa kanyang Kilig King solo show also at Kia last December 17.

Nagbalik naman sa concert scene si Angeline Quinto sa Big Dome via Divas: Live in Manila kasama sina KZ Tandingan, Yeng Constantino, at Kyla.

‘Ika nga, the list of Star Magic artists is endless pagdating sa live performances.  What’s more, pinangahasan din ni Yeng ang digital concert na nagdiwang din ng kanyang 10th year sa showbiz.

This 2017, ano naman kaya ang pasabog ng Star Magic, Ms. Thess Gubi?

HOT, AW! – Ronnie Carrasco III