HATAW! D'yaryo ng Bayan hatawtabloid.com
INIHAYAG ni Anne Curtis na hindi pa siya nai-inlove sa isang gay men. Ito ang sinabi niya kay Boy Abunda nang mag-guest siya sa Tonight With Boy Abunda noong Huwebes ng gabi para sa promotion ng Bakit Lahat ng Gwapo May Boyfriend? na mapapanood na sa October 19 mula sa The IdeaFirst Company Production for Viva Films. Makakasama ni Anne rito sina Dennis Trillo at Paolo Ballesteros.
Ang comedy flick na Bakit Lahat ng Gwapo May Boyfriend? ay tungkol sa isang babaeng nagkakataong nai-inlove sa gay men. Kaya naman natanong din ni Kuya Boy si Anne kung nakare-relate ba ang aktres sa kanyang karakter sa pelikula.
“I haven’t fallen in love (with gay men). Pero ang totoo kasi, marami na talagang guwapo ang may boyfriend so hindi lalayo na maa-attract ako. Iyong hair stylist ko, guwapo iyon. Pero siyempre, he has a boyfriend. Ang dami talaga. So it’s more of I’m attracted pero hindi pa ako nai-in love.”
Sa kauna-unahang pagkakataon, pinagsama ng Viva Films ang tatlo para sa kakaiba at nakatutuwang istorya ng pag-ibig sa pinakabago nitong handog na romance-comedy ng taon na obra ni Direk Jun Lana.
Gagampanan ni Anne ang papel ni Kylie, ang babaeng akala mo’y isinumpa dahil sa pagkakaroon ng mga beking ex-boyfriends. Halos lahat ng relasyon niya, nauuwi sa wala dahil nga hindi babae ang hanap ng kanyang mga ex, kundi guwapo’t machong mga lalaki rin.
Ang pinaka-tag kay Kylie? “Cover Gil” ng mga klosetang beki.
Si Paolo naman si Benj, ang pamintang best friend ni Kylie na nagbababad sa gym pero ayaw pang magladlad.
Kababata naman ni Benj si Diego, na ginagampanan naman ni Dennis, ang lalaking gagawing misyon ni Kylie.
Sinasabing ang official teaser ng Bakit Lahat ng Gwapo, May Boyfriend?! ang pinakamaingay sa social media ngayon. Usap-usapan ito sa netizens mula nang ilunsad ng VIVA Films noong nakaraang buwan.
Sa loob ng 24 hours matapos itong ma-upload, nagkaroon kaagad ito ng 2.8 million views at so far, may lagpas 4.9 milyon nang hits sa official FB account ni Anne.
Kasama rin sa pelikula sina Yam Concepcion, Michael De Mesa, Donnalyn Bartolome, Prince Stefan, Alma Concepcion, Yayo Aguila, Joross Gamboa, Lou Veloso, Will Devaugn, Sinon Loresca, Patricia Ysmael at marami pang iba.
Kaya ‘wag magpahuli! Alamin ang kasagutan sa tanong ng bayan sa pagbubukas sa mga sinehan ng pinaka-pinag-uusapang romantic-comedy ng taon, Bakit Lahat ng Gwapo, May Boyfriend?!, sa Oct. 19 mula sa VIVA Films.
SHOWBIZ KONEK – Maricris Valdez Nicasio
