HATAW! D'yaryo ng Bayan hatawtabloid.com
NAPAKA-BLESSED ni Michael Pangilinan pagdating sa kanyang career. Bukod sa kabi-kabila ang kanyang raket, inilunsad naman noong Sabado ang kanyang self-titled album, Michael under Star Music.
Bukod sa magandang career, maligaya pa ang kanyang lovelife. Naikuwento kasi ng mabait na singer na nagkakilala na sila ng mga kapatid ng kanyang girlfriend na si Garie Concepcion.
Ani Michael, nag-dinner sila ni Garie kasama ang mga kapatid nitong sina KC Concepcion at Cloie Skarne.
Aminado si Michael na medyo nailang siya sa pangyayaring iyon. “Medyo may kaba rin kasi first time mong makasama ‘yung family niya, ‘yung sisters niya,” pagbabahagi nito. Pero naging okey na rin siya dahil may kakulitan, kakengkoyan, at mababait daw ang mga kapatid ng kanyang GF.
Puring-puri rin ni Michael ang pagiging responsableng ate ni KC pati na rin ang payo nito kay Garie.
Looking forward naman si Michael na makilala ng personal ang ama ni Garrie na si Gabby Concepcion.
Samantala, may 12 tracks ang album ni Michael na mayroong apat na covers, apat na originals, at apat na bonus tracks. Ang carrier single nito ay ang Hanggang Kailan na aniya’y ikinokonsidera niyang national anthem ng mga broken hearted.
Kasama rin sa album ang Pare Mahal Naman Kita, na sagot sa una niyang hit song na Pare Mahal Mo Raw Ako. Ito’y prodyus ni Rox Santos at mai-stream na sa Spotify.
SHOWBIZ KONEK – Maricris Valdez Nicasio
