Heaven, lumabas ng PBB para sa inang maysakit

SA pagsubaybay natin sa PBB Season 7, para na rin tayong sumusubaybay ng isang teleserye. Marami ring drama at iyakan sa loob ng Bahay Ni Kuya. Ang latest ay ang paglabas ni Heaven dahil gusto niyang samahan ang kanyang ina na naka-confine ngayon sa isang ospital.

Maselan ang lagay ng nanay ni Heaven kaya  gusto niyang makasama ito. Okey na si Heaven sa kapwa niya housemates ngayon (noong araw kasi ay labis na naaartehan ang kasamahan niya sa kanya lalo na ang mga girl) kaya nakahihinayang kung ngayon siya lalabas.

Kung sabagay, kasama naman siya sa tatlong nominado for eviction along with Kisses and Christian kaya ipagpalagay na lang natin na siya ‘yung na-evict.

Si Heaven  lang ang nagsisilbing “shining armor” ng kanyang nanay sa tuwing nagkakasakit siya kaya kaysa unahin ang kapalaran sa showbiz ay pinili ni Heaven na samahan ang kanyang ina sa ospital.

Bago umalis ng Bahay Ni Kuya si  Heaven ay nagpunta ang ilang miyembro ng Hashtags at nalamang may unawaan na pala sina Heaven at si Paulo ng Hashtags bago napasok ang dalaga sa PBB.

Humanga ako kay Heaven. Mas inuna niya ang kapakanan ng kanyang inang maysakit.

MAKATAS – Timmy Basil