HATAW! D'yaryo ng Bayan hatawtabloid.com
MAGSASAMA-SAMA ang tatlo sa itinuturing na magagaling na produkto ng The Voice of the Philippines para sa isang konsiyerto, ang One Voice.
Ang tatlong tinutukoy namin na magpaparinig ng mga world-class music at hard hitting performances ay sina Klarisse de Guzman, Juan Karlos, at Jason Dy para sa One Voice concert sa October 1, na gaganapin sa Music Museum.
Kung ating matatandaan, parte ng The Voice first season si Klarisse na nagpakita ng full vocal prowess na nagbunsod sa kanya para makasama sa finals. Mula nang maging first runner-up ay malayo na ang narating ni Klarise kasama na ang pagkakaroon ng concert noong August 2014 kasama na ang pag-top sa chart ng mga hits at covers.
Graduate naman ng The Voice Kids si Juan Karlos noong 2014 na naging top-3. Ang kanyang kaguwapuhan at kakayahang umarte ang naging daan niya para mabigyan ng TV appearances sa ilang teleserye ng ABS-CBNtulad ng Hawak Kamay at Pangako Sa ’Yo.
Pinatunayan naman ni Jason ang galing nang magwagi sa second season. Paborito siya ng karamihan na hindi naman nakapagtataka dahil tunay na magaling siyang singer. Hinahangaan kay Jason ang kanyang magandang pag-falsetto at emosyon sa mga kantang inaawit.
Ang One Voice ay ipinrodyus ng Hills and Dreams at ang musical direction ay mula kay Marvin Querido at ididirehe ni Frank Lloyd Mamaril. Ito handog ng Jet 7 Bistro, Fernando’s Bakery, Lancer’s Hardware, Garage P., FLM Creatives at Productions Inc. and 10 Inch Lights and Sounds. Sa pakikipagtulungan ng Silka, Circulan, Montosco, at Happy Scrub.
Para sa ticket bisitahin ang Ticketworld outlets o tumawag sa 891.9999.
SHOWBIZ KONEK – Maricris Valdez Nicasio
