HATAW! D'yaryo ng Bayan hatawtabloid.com
BAGAMAT nakangiti at bigay-todo sa pagkanta, halatang-halata ang pagod kina James Reid at Nadine Lustre nang dumating sila sa book launching ng kanilang Team Real na ini-release ng VRJ Books sa La Reve Pool &Events Place. Lagare kasi ang dalawa sa show sa ABS-CBN at book launching.
Ang Team Real ay full-color book na may 120 pahina. Makikita sa libro ang ukol sa bahay, fashion, beauty at fitness, at pop culture favorites nina James at Nadine. Itinatampok din sa libro ang mga naging travel nila sa ibang bansa kasama ang mga never-before-seen private images na sila mismo ang kumuha. Kasama rin ang maraming litrato na kinunan para lamang sa proyektong ito.
“The book is your window into our minds, our untold stories, and unseen photos,” ani James. ”The pictures come from us and the words, from our mouths. Nadine and I were completely involved.”
Isa nga sa nakatutuwang istorya sa loob ng libro ay ang ukol sa kung paano sila na-in-love sa isa’t isa. Roon ay binalikan nila ang mga iba’t ibang perspective nila sa buhay.
“You hold in your hands a book where I revel everything about myself—stuff you didn’t know about, stuff you didn’t expect, stuff you though would never happen, and stuff you wouldn’t believe happened,” sambit naman ni Nadine sa kanyang Foreword sa libro. “I want you to be inspired, and I hope you see James and me as normal people who have struggles and challenges.”
Tunay na nakakikilig ang bawat pahina na nagpapakita at nagpapakilala sa kung sino sina James at Nadine. Kaya hindi na nakapagtataka na talagang dinumog ito ng kanilang fans nang ilunsad sa Market Market kamakailan.
Ayon kay Leigh Legaspi, Viva Vice President for Marketing, ang Team Real and biggest-selling book nila this year dahil sa 100,000 copies na nabenta.
Sinabi naman ni Ms. Veronique del Rosario, na pinagkaguluhan na agad ang libro hindi pa man naire-release kaya nga agad itong naging sold-out isang oras matapos itong gawing available bilang pre-order pa online.
Ang libro ay mabibili sa National Book Store at Powerbooks branches nationwide. Ito bale ang ikaapat na librong ini-release ng VRJ Books. Nauna na ang Conversations Pa More ni Ricky Lo, Direk 2 Da Poynt niWenn V. Deramas, at ang Para sa Hopeless Romantic ni Marcelo Santos III.
Naikuwento naman ni Ms. Legaspi na totoong pagod ang dalawa dahil sa kabi-kabilang commitment. ”Pero this July, magpapahinga sila. ‘Yun talaga ang ini-request ni James, to have a vacation this coming July.”
SHOWBI KONEK – Maricris Valdez Nicasio
