NOONG isang araw ay may kumalat social media na natagpuang patay daw sa kanyang condominium sa Manila ang action star na si Jeric Raval. Pero bago pa man maging viral ang naturang post ay nilinaw kaagad ng aktor na isang malaking hoax ang balita.
Aniya, “This is not true. It’s a hoax spread by stupid people. Im still alive and kicking.”
Hmmm, sino kaya ang stupid people na ito? May matinding nakaaway ba si Jeric at dumating sa puntong “pinatay” na siya?
Or baka may naiinggit kay Jeric dahil maganda ng career niya ngayon? Regular cast siya sa We Will Survive and si Pokwang lang naman ang kanyang love interest at mukhang magpapakasal pa nga sila sa teleserye.
Puwede nga talaga siyang kainggitan dahil siya lang (along with Robin Padilla) ang action star of the 90’s na maganda ang takbo ng career sa telebisyon.
( Timmy Basil )
