HATAW! D'yaryo ng Bayan hatawtabloid.com
NAGING controversial sina Kathryn Bernardo at Daniel Padilla dahil sa photo nilang kumalat sa social media kahapon nang bumoto ang mga ito.
Nagpakuha kasi ang dalawa habang hawak ang kanilang mga balota.
For this ay ang daming nam-bash sa dalawa. Pinaalalahanan silang bawal ‘yun during election time.
Agad-agad naming dumepensa ang supporters ng dalawa.
“Daming tanga. Hindi naman sa dinidefend silang dalawa pero, kakairita. Nakita ko HD pictures ng kay Kath, hindi pa naka shade ‘yung balota nya, at yung kay Daniel nasa loob ng Folder. Mema lang talaga yung iba,” said one fan.
Nakarating na sa isang Comelec official ang photo at nag-tweet ito na gusto niyang makita sina Kathryn at Daniel dahil sa controversial photo.
Pero ang nakapagtataka, tila deadma ang ilang fans sa picture na ipinost ni Robin Padilla. Malinaw kasi na shaded ballot na ang kinunan niya ng photo at ipinost sa kanyang Twitter account. Kaagad din niyang binura ang photo dahil siguro may nagsabi sa kanya na bawal iyon.
Ang kaso, lumabas pa rin sa social media ang shaded ballot ni Robin kaya wala siyang lusot.
Ngayon, anong magandang paliwanag kaya ang gagawin ni Robin? At bakit tila naduwag siya at agad-agad na binura ang kanyang post?
UNCUT – Alex Brosas
