Belle dream makagawa ng bida-kontrabida roles malayo sa kanyang comfort zone

SHOWBIZ KONEK
ni Maricris Valdez

PUNO ng positibong enerhiya ang Star Magic Spotlight presscon nang makasama sa unang pagkakataon ang Gen Z Superstar na si Belle Mariano.

“Ever since po kasi, I feel like my heart is really drawn to music,” ani Belle.

“This is something talaga na l’ve always wanted… With everything that’s happening, we want to put something out there na light and very gentle sa puso natin… Hopefully sa mga makikinig pa po ng music ko, na ‘yun ‘yung message na maparating namin,” sabi Belle.

Sa presscon, inihayag ang pagbabalik sa big screen ni Belle kasama si Donny Pangilinan, at ito ay sa Tayo Sa Wakas.

“Siyempre we expect something more mature. I feel like this one is more emotional. Mas puno ng emosyon at feeling ko sobrang matsa-challenge ako sa role na ito, but l’m excited for that challenge.” sabi ni Belle.

Bukas ang dalaga sa pagtanggap ng mga Bida-Kontrabida roles na malayo sa kanyang comfort zone. 

“As for now that’s my dream role, kasi feeling ko iba ‘yung challenge roon, ‘di ba? Parang you’re playing dalawang roles.”

Hangad din ni Belle na mas marami pang magagawa pagdating sa kanyang music career.

“To be able to put out more songs na sulat ko po. Gusto kong makapagsulat ng kanta… I just really need to have that time to write and think,” sabi pa ni Belle.

Available na ang Like U sa lahat ng streaming platforms na tiyak na magugustuhan ng kanyang followers.

Sa bawat proyekto, pinatutunayan ni Belle ang kanyang staying power bilang isa sa mga in-demand artists ng kanyang henerasyon.