Sugat sa paa sanhi ng labis na init sa tricycle pinatuyong Krystall Herbal Oil

Back to Basic
NATURE’S HEALING
ni Fely Guy Ong

Dear Sis Fely Guy Ong,

         Ako po si Benito Linsangan, 62 years old, isang tricycle driver, kasalukuyang naninirahan sa Valenzuela City. Dati po akong overseas Filipino worker (OFW), nakapagpundar nang kaunti, kaya nang magretiro ako, pagta-tricycle na ang ginawa kong hanapbuhay.

         At sa pagiging tricycle driver ko nga po, gusto kong i-share ang malaking tulong na nagagawa ng Krystall Herbal Oil sa aking mga paa.

         Nagkaroon po kasi ako ng mga sugat sa paa dahil siguro sa sobrang init. Para po siyang namumutok na balat, makati sa umpisa kapag nakamot ko e nagsusugat na. Nagpatingin na rin ako sa dermatologist, nagreseta ng gamot, pero kahit gumagaling, bumabalik pa rin. Sabi ng anak ko baka allergies daw, pero sabi ng doktor baka nga raw sa init mula sa init ng tricycle.   

         Isang kaibigan ko ang nagsabi na i-try ko raw ang Krystall Herbal Oil kaya agad kong sinubukan. Nakita ko rin ang Krystall Soak Powder kaya ang ginawa ko po, ibinabad ko muna ang paa ko sa maligamgam na tubig na mayroong Krystall Soak Powder, pagkatapos ay tinuyo ko ng malinis na pamunas at noong medyo malapit nang matuyo saka ko nilagyan ng Krystall Herbal Oil.

         Medyo walang pagbabago sa una at ikalawang araw, pero noong ikatlong araw napansin ko, kusang natutuyo ang mga sugat at kapag hinilod ko ay parang libag na lang na natatanggal. May naiiwan pang marka o peklat pero sa loob ng dalawang lingo, nabura na rin pati ang peklat.

         Sobrang bumilib po talaga ako sa Krystall Herbal Oil at Krystall Soak Powder, napakahusay po talaga!

         Maraming salamat po Sis Fely dahil sa inyong mahusay na imbensiyon, nalutas ang problema ko sa mga sugat sa aking paa.

         God bless po.

BENITO LINSANGAN 

Valenzuela City