HATAW! D'yaryo ng Bayan hatawtabloid.com
Back to Basic
NATURE’S HEALING
ni Fely Guy Ong
Dear Sis Fely Guy Ong,
Ako po si Richard Villano, 28 years old, hotel staff, na naharap sa ilang health issues.
Nagsimula po ito nang mawalan ako ng trabaho nitong nakaraang pandemic. Nagsara po ang pinapasukan kong maliit na hotel sa Iloilo. Hindi naman po ako nakauwi kaagad kasi nga pandemic.
Para mabuhay, tumira po ako sa isang kubo na walang koryente at tubig. Hindi ko po alam kung paano ako nag-survive pero roon po siguro nag-umpisa ang anxiety attacks ko.
Halos anim na buwan po akong namuhay sa ganoong kalagayan, hindi ko alam kung paano ko nalampasan dahil ang savings ko ay P3,000 lang at hindi na rin ako nakapagpadala sa aking pamilya sa Quezon City.
After 6 months ay saka lang po ako nakauwi, na-relieve ako dahil nakita kong maayos naman ang kalagayan ng pamilya ko.
Pero paglaon ay matutuklasan namin na ako pala ang hindi okey. Minsan po ay hindi ako makatulog at kung nakatutulog naman, ay biglang nagigising sa masamang panaginip.
Isang pagkakataon na ako po’y nagising dahil sa masamang panaginip, agad akong nilapitan ng partner ko at minasahe ang aking ulo ng isang oil, hindi ko po alam kung anong oil. Basta ang natandaan ko kumalma ako at muling nakatulog.
Kinabukasan, tinanong ko kung ano ‘yung oil, ang sabi ng partner ko, Krystall Herbal Oil ng FGO. Sabi ko puwede bang bago matulog sa gabi ay ulitin ang pagmasahe sa ulo ko.
Pero hindi lang ang ulo ko, ang ginawa niya, pati likod ko ay hinaplasan ng Krystall Herbal Oil, hayun nakatulog ako nang mahimbing at hindi na ginambala ng masamang panginip.
Sa tulong ng prayers sa Diyos at haplas ng Krystall Herbal Oil nararamdaman ko po na umiigi ang pakiramdam ko.
Kasabay po niyan ay natanggap na rin ako sa isang hotel dito sa Metro Manila, hindi ko na po kailangan pang magtrabaho sa probinsiya.
Maraming salamat po Sis Fely Guy Ong dahil malaking tulong sa amin ang inyong Krystall Herbal Oil — tunay na miracle oil.
Lubos na nagpapasalamat,
RICHARD VILLANO
Quezon City
