Wednesday , March 29 2023
FABELLA HOSPITAL Fire Sunog
PILIT na inaapula ng mga bombero ang sunog na tumupok sa mga kabahayan sa P. Guevarra St., Sta. Cruz, Maynila sa likod ng Central Market. Naubos ang hilera ng mga kabahayan dahil sa sunog na umabot sa ika-limang alarma. Habang mabilis na pinalabas ng mga nurses ang mga pasyente sa fire exit ng Dr. Jose Fabella Memorial Hospital partikular ang mga bagong panganak dahil sa makapal na usok na pumasok mula sa sunog na nagaganap malapit sa nasabing ospital. Walang iniulat na namatay o nasugatan sa sunog na inaalam ng mga imbestigador ang pinagmulan. (BONG SON)

Sunog umabot sa 5th alarm
RESIDENTIAL-COMMERCIAL MALAPIT SA FABELLA HOSPITAL TINUPOK NG APOY

UMABOT sa ikalimang alarma ang sunog na sumiklab sa isang residential area sa likod ng Central Market sa Sta. Cruz, lungsod ng  Maynila nitong Martes ng hapon, 2 Agosto.

Naganap ang sunog sa kanto ng mga kalye ng P. Guevarra at Fugoso sa Brgy. 311, Sta. Cruz.

Nilamon ng apoy at makapal na usok ang magkakadikit na bahay at tindahan na pawang gawa sa light materials habang pati ang mga kawad ng koryente ay nasunog din.

Ayon sa ilang mga residente, wala silang naisalbang anomang gamit mula sa kanilang mga bahay na mabilis na tinupok ng apoy.

Batay sa imbestigasyon ng Manila Fire Department, 1:05 pm nang sumiklab ang sunog at umabot sa ikalimang alarma.

Tuluyang naapula ang sunog bandang 3:23 pm.

               Ani Crosbee Gumowang, Manila Fire Department District Director, malakas ang usok at hangin kaya hindi agad makapasok ang mga bombero.

Paalala ni Gumowang, sa ganitong mga lugar na gawa sa light materials ang mga bahay, huwag iiwanang may nakasaksak na koryente.

Patuloy pang inaalam ng Manila Fire Department ang sanhi ng sunog, pati na ang bilang ng mga naapektohang pamilya.

Samantala, nananawagan ng tulong ang mga residente tulad ng pagkain, damit, tubig, at iba pang pangunahing pangangailangan.

Tinatayang aabot sa P2 milyon ang halaga ng pinsala sa sunog. (KARLA OROZCO)

About Karla Lorena Orozco

Check Also

Jose Hidalgo Marlon Serna

RD Hidalgo binisita ang burol ng napaslang na hepe ng San Miguel MPS;
Reward para sa mga killers umabot na sa P1.7-M

Nagbigay ng kanyang huling paggalang si Police Regional Office 3 Director PBGeneral Jose S. Hidalgo …

iSCENE 2023 PAPI DOST

Are you ready for the biggest and the smartest 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗘𝘅𝗽𝗼𝘀𝗶𝘁𝗶𝗼𝗻 𝗶𝗻 𝘁𝗵𝗲 𝗣𝗵𝗶𝗹𝗶𝗽𝗽𝗶𝗻𝗲𝘀 this year?

Join us on March 23-25, 2023, in the first ever 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗦𝗺𝗮𝗿𝘁 𝗖𝗶𝘁𝘆 𝗘𝘅𝗽𝗼𝘀𝗶𝘁𝗶𝗼𝗻 𝗮𝗻𝗱 …

Mr Freeze Gerry Santos Ivy Ataya Joyce Selga

Mr Freeze BFF ng mga sikat sa showbiz

NAALIW kami kay Mr Gerry Santos aka Mr Freeze sa mediacon ng kanyang Negosyo Goals show sa AllTV na napapanood tuwing Linggo, 11:30 a.m.. Matatawag …

electricity meralco

Karapatan ng consumer mangingibabaw kontra prangkisa

IGINIIT ni Puwersa ng Bayaning Atleta partylist Rep. Margarita Nograles, ang kapakanan ng mga residente …

Bulacan Police PNP

Kampanya kontra krimen sa Bulacan
11 tulak, 2 wanted, 2 sugarol timbog

SUNOD-SUNOD na pinagdadampot ang 11 hinihinalang drug dealer, siyam na pinaghahanap ng batas, at dalawang …