HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
SEXY na uli si Regine Velasquez kaya naman paulit-ulit niyang sinabi na abangan namin ang sexy projects niya. Nangyari ito sa muli niyang pagpirma ng exclusive contract sa ABS-CBN noong Miyerkoles ng gabi kasabay ng 30th anniversary ng Star Magic na binansang Kapamilya Strong 2022.
Wala ngang kagatol-gatol ang Asia’s Songbird nang sabihing suportahan namin siya sa kanyang pagpapa-sexy. Tinuran niya ito noong humarap siya sa kauna-unahang face to face media conference simula nang mag-pandemic na ginanap sa Studio 10 sa ilang entertainment editors.
Ani Regine, “Watch out for my sexy projects ha, good luck na lang sa inyo!” Sabay ng malakas na halakhak.
Matagal nang sinasabi ni Regine na pangarap niyang maging bold star pero hanggang ngayon ay hindi pa rin ito natutupad.
Natanong namin ito kung may limitation ba ang pagpapa-sexy niya, walang kagatol-gatol niyang sinagot na, “Waley! Ha-hahahaha!”
Kuwento ni Regine sinabi rin pala niya noong una siyang pumirma ng kontrata sa ABS-CBN (October, 2018) kay ABS-CBN President Carlo Katigbak na sana’y matupad ang ultimate dream niyang maging sexy star.
Sa kabilang banda umaasa siyang makakatrabaho niya si Lea Salonga. Tuloy na tuloy din ang concert tour nila ni Sharon Cuneta sa Amerika.
Sa ngayon co-host nina Jolina Magdangal at Melai Cantiveros si Regine sa Magandang Buhay bilang pansamantalang kapalit ni Karla Estrada na sumabak na sa politika.
Ani Regine, nae-enjoy niya ang pagho-host sa Magandang Buhay. In fact para ngang hindi iyon trabaho para sa kanya.
