Donny, proud kay Belle sa success ng concert

PABONGGAHAN
ni Glen P. Sibonga

PROUD na proud si Donny Pangilinan sa ka-love team niyang si Belle Mariano dahil sa big success ng first-ever solo concert nito na Daylight na napanood virtually via KTX.ph noong January 29.

Si Donny ang special guest ni Belle sa concert. First time tumugtog ng keyboard sa isang live event si Donny nang kantahin nila ni Belle ang For Your Eyes Only, na theme song ng pelikula nilang Love is Color Blind.

“It really means so much na nandito ka,” sabi ni Belle kay Donny pagkatapos ng duet nila.

“Ano ka ba? Para sa’yo,” sagot ni Donny. “Actually, I never played the keyboard in an event, live, before. The fact na ‘For Your Eyes Only’ na theme song pa ng first-ever movie natin, it’s such an honor to be here sa concert ni Belle Mariano.”

Sumunod ay inihayag na ni Donny kung gaano siya ka-proud kay Belle hindi lang sa success ng concert kundi pati sa pamamayagpag ng career nito.

“Sobrang proud ako sa’yo. Every time I watch your numbers, hindi pa rin ako makapaniwala na ikaw ito, na ikaw ang gumagawa ng sarili mong concert. I know how long you’ve dreamt of having this opportunity. Just to see you fulfill your dreams right here, it’s just so cool,” ani Donny.

Bukod sa pagiging top trending topic sa Twitter ng BELLErightest DaylightConcert, nag-trending din ang DonBelle.