HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
HINDI pala itutuloy ni Direk Antoinette Jadaone ang mini-series na The Kangks Show sa WeTV kung hindi ito tinanggap ni Angelica Panganiban.
Katwiran ng direktor, si Angelica lang ang naiisip niyang perfect na makagaganap bilang Doctora Kara Teo na isang sex expert na nagbabasa ng mga sulat ukol sa experience at problema nila sa sex sa isang show.
“Si Angge lang talaga ang naisip ko habang kino-conceptualize ito. ‘Pag ‘di niya tinanggap, wala na ‘yung show, change concept na kami,” giit ni Direk Tonette sa isinagawang zoom media conference.
At nang finally ay pumayag na si Angelica noon lamang sila nag-casting ng makakasama pa ng aktres.
Ang The Kangks Show din ang reunion project ng aktres at ng direktor na naunang magkatrabaho sa Beauty In A Bottle (2014) at That Thing Called Tadhana (2015).
Thankful din si Direk Tonette na pumayag sina JC De Vera, Angeli Bayani, Maris Racal, at Kit Thompson na lumabas sa naturang mini series.
Hindi naman ng-aalala si direk Tonette sa negatibong epekto ng kanyang show.
Aniya, ”Matagal nang dapat pinag-uusapan ang sex na hindi bulungan at hindi kailangang I-bleep sa pelikula o TV.”
Ang The Kangks Show ay may eight episodes na mapapanood simula sa araw na ito, December 17, 8:00 p.m. sa WeTV.
