HATAW! D'yaryo ng Bayan hatawtabloid.com
IBA talaga ang relasyon ni Thirdy, anak ni Jodi Sta Maria kay Pampi Lacson, kay Iwa Moto. Makikita mong very close ito sa dating aktres. Kaya naman madalas ito sa bahay nina Iwa at Pampi lalo na kung busy ang inang si Jodi sa taping.
Kasama si Thirdy sa sorpresang inihanda ni Iwa at anak nitong si Mimi para kay Pampi. Sinorpresa ng mag-iina si Pampi bitbit ang isang birthday cake at isang box habang kumakanta ng Happy birthday song papasok sa kuwarto nito.
Naka-focus sa magkapatid na Thirdy at Mimi ang video habang maririnig lang ang boses ni Iwa. Siyempre nasorpresa naman si Pampi sa kanyang mag-iina. Ang ganda lang na okey na okey ang samahan nina Thirdy at Iwa gayundin sa kapatid nitong si Mimi.
Sa kabilang banda, sobra-sobra ang kompiyansa ni Sen. Tito Sotto kay Ping Lacson.
Sa isang interbyu kasi ni Karen Davila kay Tito Sen, naitanong nito kung sino ang gusto niyang maging running mate sa darating na eleksiyon. Binanggit ni Karen ang mga pangalan nina Sen. Manny Pacquiao, Mayor Sarah Duterte, at Mayor Isko Moreno.
Walang kagatol-gatol na sinabi ni Tito Sen ang pangalan ni Sen. Ping na gusto niyang maka-tandem sakaling tumakbo siya bilang Vice President.
Anang Senador, ”First of all, I’m still considering it. And if I do consider it, the number one on my list would be Sen. Lacson. I know his capability. I know what he can do for the country.”
Giit pa ni Tito Sen, ”If he runs for president, I will support him!”
SHOWBIZ KONEK
ni Maricris Valdez Nicasio
